::زمونږ په هکله::

اصلی پاڼه |فهرست|بروشور| زمونږ په هکله|اړیکه

Afghanistan Centre At Kabul University

بڼست (بنياد) :

د ACKU تصور پراخه او په زړه پورى ده ACKU لگیا ده د لوئي او نانسى دوپرى بڼست جوړه وي . ددى بڼست لمړى موخه داده چه د ACKU د فعاليتونو جارى توب باورى كړى . ددى بڼست مركز به په نيويارك كى وي د امانتونو هيئت به د امريكا د متحده ايالاتو مديره هيئت به په افغانستان کی د ACKU د فعاليتونو څخه ملاتړ كوي او هم به د مالى لګښتونو لپارى چاري ورته لټوي . د خپلو ظرفيتونو په نظر كى نيولو سره ACKU به اوسنيو خدمتونو لړى تر هغه وخته جارى ساتى تر څو نورو فعاليتونه عملى بڼه غوره كړي . د چټک فڼد تر لاسه كول ضرورى بریښی او كه ACKU د خپل تصور عملى كول غواړي په دى لړ كى بايد د فورى فڼد لاس ته راوړنى ته خاصه پاملرنه وكړي .

د ACKU ګرځنده کتابتونونو اداره (ABLE)
د 1995 كال څخه را په ديخوا د ACKU ګرځنده كتابتونونو اداره (ABLE) په افغانستان كى د ننه د 32 (34) ولايتونو څخه په 29 ولايتونو كى 145 ګرځنده كتابتونونو په مجموعى توګه 120،000 كتابونه په درلودلو سره كلى والى سيمو او ښونځیو ته ويشلى دي . ددى پروگرام ښه اغيزمنتوب په وجه نورو مؤسسو د ګرځنده كتابتونونو د پروژى په پيروى دار نګه كتابتونونه په كلى بانډو ، ولسواليو او ولايتى پلازمينو كى پرانستى دي او شميره یی پرله پسى زياتيږی . تر دى دمه په ټول افغانستان كى د (400) څخه زيات كتابتونونه موجود دي . ددى اصلى موخه داده چه نه يواځی د لوست لارښود مواد مهيا كړى بلكه لوست د يوى تفريحى مشغلى په توګه خوره كړي . د ABLE كتابتونونه وار په وار د نويو كتابونو په وركړه سره بډا كيږی او ددى كتابتونونو له جملى څخه ځینی یی د زرو څخه زيات اسناد په زيرمه كى لري . زده كونكى ، ښوونكى ، فنى ماهرين ، د غير دولتى مؤسسو منسوبين او محلى چارواكى ددى پروګرام ګته اخستونكى ډله جوړ وي .دګرځنده كتابتونونو زياتره كتابونه د ACKU له زيرمى او نور یی له غير دولتى ادارو او ملگرو ملتونو څانګو څخه تر لاسه شوي او يو تعداد یی له بازار څخه په بيه اخستل شوى دى . كه چيرى ځینی عنوانونه ددى سرچينو څخه تر لاسه نشى د ګرځنده كتابتونونو خپرندويه څانګه د هغوى د خپرولو بندوبست كوي . تر دى دمه ABLE په 122 مختلفو موضوعاتو كتابونه ليكلى او خپاره کړى يي دي . كتونكى هيئت ددى خپرونو د مسؤليت دنده په غاړه لري او ورسره دا باوري كوي چه دا كتابونه د سلو پاڼو څخه زيات نشى او هم په داسى ژبه وليكل شي چه د نوى لوست زده كونكو ته آسانه او په زړه پورى وي ، د SV مؤسسی د دوه زره دريم كال څخه را په دى خوا د خپلو ارزښتناکوو مرستو له لارى ددى ضرورى خدمتونو په پلى كولو كى مهمه ونډه اخيستى ده .

imag

د ACKU زيرمه :
كتابونه ، راپورونه ، نقشي ، ورځپانی ، جريدى ، مجلى ، پوسترونه ، رسالى ، د مجاهدينو د خپرونو نادره کلکسیونونه او سمعى او بصرى توكى د ACKU د ټولګی مهمى برخه جوړ ه وي . زياتره اسناد د غير دولتى مؤسسو او ملگرو ملتونو دڅانگو د پروگرامونو سره تړاو لري دى كى هغه ځانګری موضوعات لكه روغتيا ، ښوونه ، كرهنه ، وترنرى ، ماشومانو ،ښځو ، قانون ، موسيقى ، فلكلور ، لرغون پيژندنه ، تاريخ ، سياسى علوم ، تاريخى آبدات ، ادبيات ، ژبى او فرهنگی ورثه شاملى دى چه تحليلى او تشريحى ليكنى ورباندى شوي دي .
د ACKU د نقشو څانګه پنځه سوه رنګارنگ نقشي لري چه پكښی 1:250000 ، 1:100،000 او 1:50000 په مقياس ، فضایي او ځمکني نقشي موجودي دي . د مؤسساتو لخوا چى كومى ساحوى نقشى خپرى شوى دایي هم په خپله ټولګه كى ځای کړی دي . په 1990 م كال څخه مخكى د پراختيايي پروژو اسناد او همدارنګه په افغانستان باندى چی کومی څیړنی شوي د ارشيف د څانګی برخه جوړه وي . ACKU خپلو مينه والو ته د افغانستان د كلتورى ورثى د ساتنى ټولنی (SPACH) هغو اسنادو ته چه را ټول كړي يي دي د رسيدو اسانتياوى برابره وي كوم كى چى د تاريخى ځایونو د عكسونو كتلاګ، ابدات لرغون پيژندنى ساحات او اّثار شامل دي

د لوست خونه :
ACKU د لوست خونه د كابل پوهنتون د كتابتون په لمړى پوړ كى موقعيت لري . دى كوته كى د انترنيت او ديتابيس له ليارى د لوست او د څیرنى اسنادو ته د رسيدنى لپاره سازګارمحيط ايجاد كړى ده ، گته اخستونكى كولاى شي اسناد په پښتو ، درى او يا انگليسى ژبى د دوو ديتابيسونو له ليارى د څیړنی لپاره غوړه كړى او هم كولاى شي چه اسناد د ليكونكى ، سرليك ، موضوع او يا خپروندويه مؤسسى په كارولو سره بيا ومومي او هم كولاى شي چى د كتابونو فهرست ديتابيس چه په CD-Rom كى خوندى شوي گته پورته كړي او هم د اسنادو د ثبت د څانګړی شمارى (كال نمبر) په ښودلو ACKU ته خپلى غوښتنى وليږی. په څانګړی لست كى ويديو كستونه ، نقشي ، جريدى او پوسترونه ځای كړى شوي دي او ACKU هره مياشت خپل خبر ليك Bulletin له ليارى د نويو اسنادو لاس ته راوړنى بریښنایی ليك او يا نورو بریښنایی توكو له ليارى خوره وي د ACKU كاركونكى د اسنادو په لټون كى هر راز مرستى ته سوب دى . د لوست په خونه كى د فوتو كاپى اسانتياوى د ناڅیزى بيى په بدل كى تر لاسه كيداى شي .

په ACKU كى نوښت :
د ويب پاڼی او ديتابيس د زده كړى كورسونه اوني كى يو ځل د لوست په خونه كى تر سره كيږي ، دا لنډ مهالى كورسونه به زده كونكى په ديتابيس او انترنيت له لارى د علمى څیړنو له اساساتو سره اشنا كړي او هم به ددى سره د څیړنی د اسلوبونو او د سرليك په ټاکنه كى پوره مرسته وكړي .
دسرليك پيدا كول ، دپلټنی لپاره د پوښتنو څرنګوالي ، د كليدى لغتونو پيژندنه ، د عامه او د علمى سرچينو ترمنځ توپير ، د اصلى او فرعى سرچينو ترمنځ توپير د نقل او د هغوى اخلاقى اړخونه او د نقل قول او مآحذ پيژندنه او ليكنه ددى كورس نورى مهمى برخى جوړه وي .

::Welcome To ACKU::



د امتیاز خاوند :ACKU کال 2007 مرسته کوونکی: د نیدرلند شاهی سفارت کابل دیزاین:Lema Networks